UX/UI dizayn

ONE Studio şirkəti olaraq biz müştərilərə biznes problemlərini həll etməyə kömək edən düşünülmüş və cəlbedici interfeys dizaynları hazırlayırıq.

İnterfeyslərin yaradılması

• Onlayn xidmət;
• Şəxsi kabinetlər;
• Mobil tətbiqlər;
• İnternet-mağazalar və marketpleyslər;
• İdarəetmə panelləri;
• İT startapları;
• Əməkdaşlıq və tapşırıq təyini sistemi;
• İntranet portallar;
• IoT cihazları və sənaye avadanlıqları;

UX dizaynının yaradılması

UX (istifadəçi təcrübəsi) dizaynının yaradılması zamanı tətbiqin strukturu və funksionallığı istifadəçilərin rahatlığı təmin edəcək şəkildə hazırlanmalıdır. Bu mərhələdə hədəf auditoriyanın tələblərini (hədəf auditoriyasına nə lazımdır, onun tətbiqdən gözləntiləri və s.) aydın şəkildə başa düşmək lazımdır. UX dizaynının əsas prinsiplərini aşağıdakılardır:

• hər hansı bir istifadəçinin asanlıqla başa düşə biləcəyi intuitiv interfeys;
• məntiqli və sadə struktur;
• müştərilərin öz problemlərini həll edə biləcək optimal fuknsionallıq;
• istifadəçilərlə bağlı müxtəlif ssenarilərin həyata keçirilməsi üçün düşünülmüş zəncirlər;
• tətbiqə daxil olmaqdan hədəflənmiş fəaliyyətləri yerinə yetirməyə qədər mümkün olan ən sadə yollar.

Bu mərhələdə tərəfimizdən interfeys prototipi, bütövlükdə tətbiqin strukturunun və hər bir ekranın ayrıca reproduksiyası, tətbiqlə qarşılıqlı əlaqə üçün ssenarilərin işlənməsi, bütün mümkün istifadəçi reaksiyalarının təkrar istehsalı ilə bağlı fəaliyyətlər həyata keçirilir. Son dizayn versiyasında əlverişsiz elementlər, çaşdırıcı "labirintlər" və anlaşılmaz funksiyalar aradan qaldırılmalıdır.

İş prosesimiz necədir?

UX dizaynı

İstifadəçinin məhsulla mümkün qarşılıqlı əlaqəsi tərəfimizdən müəyyənləşdirilir.

UI dizaynı

İstifadəçilərin emosional reaksiyasına səbəb olan vizual cəlbedici məhsul yaradılır.

Prototiplər

Məhsul tamamilə dizayn edilir və müvafiq naviqasiya işlənib hazırlanılır.

Vizual dizayn

Ziyarətçiləri alıcıya çevirmək üçün kontent strategiyası və məlumat bazası vizuallaşdırılır.

Məzmun marketinqi

Düzgün kontentin köməyi ilə hədəf auditoriyasının müvafiq məhsula daha çox cəlb edilir.

Brendinq (brendləşmə)

Məhsul korporativ kimlik, şriftlər, nişanlar və animasiyanın köməyi ilə rəqiblərin məhsullarından fərqləndirilir.

İnformasiya dizaynı

Məlumatlar istifadəçilərin diqqətini daha da çox cəlb etmək üçün strukturlaşdırılır.

Qarşılıqlı fəaliyyət dizaynı

Vərdiş formalaşdıran və istifadəçiləri məhsulla uzunmüddətli qarşılıqlı əlaqədə olmağa təşviq edən funksionallıq yaradılır.

Hərəkət dizaynı

Layihəni həyata keçirmək üçün animasiyadan istifadə edərək qrafiklər canlandırılır.

Mərhələlər, müddət və nəticələr

Konsepsiya (2 gün)

• Rəqiblərin təhlili

ONE Studio şirkəti olaraq tərəfimizdən bazarda mövcud həllər araşdırılır. Təhlil sizə son istifadəçi üçün həqiqətən vacib olan məqamə diqqət yetirməyə imkan verir.

• Üslub üzərində düşünmək

UI dizaynının yaradılması yalnız yaradıcı ideyaların tətbiqi ilə məhdudlaşmır. Bu proses zamanı rəng sxemi, şriftlər və nişanlar seçimi rasional şəkildə aparılmalıdır. Buna nail olmağın yolunu şirkətimiz çox yaxşı bilir.

• Nəticə

Əsas istifadəçi ssenarisi üzrə 1-2 ekran dizayn konsepsiyası hazırlanılır və nəticədə son məhsulun ümumi üslubu razılaşdırılır.

 İcra

• Prototipləmə (2 həftə)

Rənglər və dekorasiyalardan yayınmadan interfeysin adekvatlığı tərəfimizdən yoxlanılır. Müvafiq çərçivə qurularaq UX dizaynı

üzərində hərtərəfli iş aparılır.

• Nəticə

Kliklənə bilər qara və ağ prototip. Əks əlaqə üçün UX dizaynı üzrə müsahibə aparılır.

Vizual dizaynın hazırlanması (2 həftə)

Məhsulunuz son görünüşü necə olacaq? Rəng, şrift, animasiya, loqo və unikal üslubdan istifadə edərək sizin məhsulunuzun vizual dizaynını rəqiblərinizdəkindən fərqləndiririk.

• Nəticə

UI dəsti, cəlbedici kliklənə bilən prototip, dizayn sistemi. Hazır dizayn layihəsi tərtibatçılara təqdim edilməzdən əvvəl investorlara göstərilməlidir.