ERP sisteminin hazırlanması
Ümumi baxış
ERP (Müəssisə Resurslarının Planlaşdırılması) miqyasından asılı olmayaraq şirkətin departamentləri arasında avtomatlaşdırılmış qarşılıqlı əlaqəni, habelə biznes proseslərinin idarə edilməsinin, onların operativ emalının və məlumatların təhlilinin əlaqələndirilməsini təmin edən müəssisə resurslarının idarə edilməsi sistemidir. Bu sistem sizə proqnozlaşdırma və planlaşdırmanı uğurla yerinə yetirməyə, nəticə olaraq bütövlükdə müəssisənin məhsuldarlığını artırmağa imkan verir.
ONE Studio şirkəti olaraq biz müxtəlif biznes sahələrində fəaliyyət göstərən şirkətlər (sənaye müəssisələri, banklar, tikinti, kommersiya, logistika şirkətləri və s.) üçün xüsusi ERP sistemlərinin hazırlanması xidmətini təklif edirik. Şirkətimiz tərəfindən hər bir müştəriyə onun ehtiyaclarını qarşılayacaq fərdi həll təklif edilir.
ONE Studio şirkətinin mütəxəssisləri tərəfindən istənilən mürəkkəblikdə ERP sistemlərinin hazırlanması həyata keçirilir. Yeni məqsədlər və biznes tapşırıqlarını müəyyən edərkən tərəfimizdən funksionallığın genişləndirilməsi və əlavə modulların yaradılması imkanlarına xüsusi diqqət yetirilir. Məhz buna görə də, zərurət yaranarsa, yaradılmış ERP sistemi uzun illər istifadə rahatlığını təmin etmək məqsədilə modernləşdirilə və dəyişdirilə bilər.
Üstünlükərimiz
- Veb-sayt yaradılmasında böyük təcrübə;
- Yii 2 çərçivəsindən istifadə edərək müvafiq sistemin hazırlanması;
- MVC dəstəyi ilə modul sistemin hazırlanması;
- Sistemin hazırlanma mərhələlərinə dəqiq riayət edilməsi;
- Münasib xidmət tarifinin tətbiq olunması;
- Mütəmadi dəstəyin göstərilməsi;
ERP sistem modulları
Şirkətinizin fəaliyyət xüsusiyyətlərindən asılı olaraq ERP sistemi müxtəlif modullardan ibarət ola bilər. Texniki spesifikasiyaların işlənib hazırlanması mərhələsində ONE Studio şirkətinin mütəxəssisləri tərəfindən konkret ERP sistem modullarının siyahısı müəyyyənləşdirilir və hər bir modulun biznes proseslərini təsvir edilir. ERP sisteminin funksionallığı müəssisənin xarici əlaqələrinə cavabdeh olan modulların, (məsələn, müştəri əlaqələri (CRM), e-ticarət və s.) inteqrasiyası hesabına əhəmiyyətli dərəcədə genişlənir.
ERP sistemlərinin inteqrasiyasının üstünlükləri
Əgər şirkətinizin fəaliyyət səmərəliliyini və gəlirliliyini artırmaq istəyirsinizsə, ERP sistemlərinin inteqrasiyasının həyata keçirilməsi tövsiyə olunur.
Bu proses aşağıda qeyd olunanlar sayəsində reallaşa bilər:
- Şirkətin daxili proseslərinin optimallaşdırılması;
- Bölmələr arasında sürətli məlumat mübadiləsi;
- Tapşırıqların standartlaşdırılması və avtomatlaşdırılması;
- İnsan amilinin mənfi təsirinin azaldılması;
- Xərcləri minimuma endirilməsi;
- Ehtiyatların azalması;
- Fasiləsiz istehsalın və məhsulların daşınmasının dəstəklənməsi;
- Məhsuldarlığın və istehsal sürətinin artırılması;
- Şirkətin fəaliyyəti haqqında aktual məlumatların vaxtında alınması;
- Prosesin bütün mərhələlərinin monitorinqinin həyata keçirilməsi;
- Marketinq məlumatlarının toplanması;
- İnzibati aparatın və işçilərin ixtisarının aparılması;
- Müştəri rəyinin təkmilləşdirilməsi.
ERP sistemlərinin hazırlanması mərhələləri
Texniki şərtlərin hazırlanması
Şirkətinizin biznes prosesləri tərəfimizdən təhlil edilir, blok diaqramları hazırlanılır və sistemin funksionallığı təmin olunur.
İnterfeys dizaynı, proqramlaşdırma
İntefeys dizaynı tərəfimizdən hazırlanılır, modul proqramlaşdırılması həyata keçirilir.
Test və aktivləşdirmə
Layihə hazırlandıqdan sonra tərəfimizdən test edilir, onun inteqrasiyası həyata keçirilir və mütəmadi dəstək zəmanəti verilir.
ERP sistemlərinin hazırlanma müddəti və qiymətləri
ERP sistemlərinin inkişafı üçün qiymətlər bir neçə parametrdən ibarətdir. Müəssisə üçün fərdi həll tələb olunursa, interfeys dizaynının dəyəri müştərinin istəklərindən asılı olaraq dəyişəcək. Eyni zamanda, şirkətimiz müştəriyə şablon həll təklif edə bilər ki, bu da öz növbəsində ona bu mərhələni həyata keçirərkən vaxt və pula qənaət etməyə imkan verəcək.
ERP sisteminin texniki inkişafının dəyəri, ERP modullarını, onların sayı və şirkətinizin iş proseslərinin mürəkkəbliyini ətraflı təsvir edən texniki spesifikasiyadan asılı olaraq dəyişə bilər.