No-Code veb sayt hazırlanması

“Nocode” alətləri nədir?

“Nocode” alətləri kod yazmadan, qrafik interfeysdən istifadə etməklə İT platformaları - vebsayt, mobil proqram, çatbot, verilənlər bazası, xəbər bülleteni - yaratmağa imkan verir. “Nocode” ifadəsi kodun yuxarıda qeyd edilən platformaların yaradılması zamanı istifadə edilməməsi demək deyil, yəni, kod istifadəçilərdən gizli şəkildə tətbiq olunur. Tərtibatçılar tərəfindən müvafiq platformanın alqoritmi təyin edilir, vizual interfeysi yaradılır və texniki prosesləri, necə deyərlər, pərdə arxasında həyata keçirilir. Nəticədə, “nocode” xidmətinin istifadəçiləri öz tapşırıqları əsasında hazır elementlərdən istifadə edirlər.

“Nocode” alətləri üç istiqamətdə tətbiq edilə bilər:

• veb-saytların yaradılması xidmətləri zamanı;
• mobil və veb-proqramlar üçün platformaların yaradılması zamanı;
• proseslərin avtomatlaşdırılması üçün alətlər, məsələn, marketinq hesabatlarının yaradılması zamanı.

“Nocode” həllərə əsaslanan veb-saytların yaradılması mərhələləri

İlk növbədə veb-saytın əsas ideyasını və məqsədini müəyyənləşdirmək, rəqibləri və auditoriyanı təhlil etmək, daha sonra müvafiq kontent hazırlamaq və prototipi (veb-səhifənin ətraflı planını) yaratmaq lazımdır.

“Nocode” həllərə əsaslanan veb-sayt yaradarkən müvafiq maket nümunəsinə ehtiyac duyulmur. Bu proses zamanı siz dərhal platforma redaktorunda səhifə yaratmağa davam edə və ya hazır şablondan istifadə edə bilərsiniz.